ஆடையில் தூய்மையும் ஆன்மாவில் தூய்மையும்
ஆயிரம் காலம் அழிந்திடாத சேவையையும்
காலங்காலமாக மக்கள் களங்கமற்ற நெஞ்சில்
ஆலகாமாகப் பதிந்து அலைக்கழிக்கும் கிருமியைக்
கொல்ல முடியவில்லை. கொடுமையான நிகழ்வுதான்
வல்லமையான மனிதங்களே வருடித்தரும் நேசங்களே
உண்மைத் தெய்வங்கள் இவ்வுலகில் நீங்களே
அண்மைக் காலத்தின் அநியாயக் கோரத்தாண்டவம்
என்றுமே சொல்லி ஆற்றமுடியாச் சோகங்களே
நன்றாய்ச் சேவையை நலமுடன் செய்கிறீர்கள்
அன்பாய் எம்மை அரவணைக்க முயல்கிறீர்கள்
இன்பமுடன் உம்மை இருகரத்தால் தொழுகின்றோம்
சுமைதாங்கும் எங்கள் சுகமான உறவுகளே
எமைத்தாங்கி உம்சுகத்தை என்றும் இழக்காதீர்கள்
வெள்ளை உடையுடுத்தும் வெண்பூக்கள் நீங்கள்
கள்ளமில்லா மனத்துடன் கடமை செய்வீர்கள்
உள்ளத்துக் கவலைகளை உவப்புடன் ஏற்பீர்கள்
மெள்ளக் கனவையும் மெருகூட்டி மறைப்பீர்கள்
கொள்ளை அழகுடன் கோலம் காட்டுவீர்கள்
துள்ளும் விழிகளுடன் துடித்துச்செயலாற்றும் தேவதைகள்
புஷ்பா கிறிஸ்
