இந்த ஆண்டு உயர்தரப் பரீட்சைக்குத் தோற்றும் கணித, உயிரியல் பிரிவு மாணவர்களுக்கு தொண்டமனாறு வெளிக்கள நிலையம் வருடாவருடம் நடாத்துகின்ற மதிப்பீட்டுப் பரீட்சைகள் (24) ஆரம்பமாகவுள்ளன.
வருகின்ற ஒக்டோபர் 13ஆம் திகதி ஆரம்பமாகவுள்ள க.பொ.த உயர்தரப் பரீட்சை எழுதுகின்ற கணித, உயிரியல் பிரிவின் மாணவர்களுக்கான மதிப்பீட்டுப் பரீட்சையாக இது இருக்கும் என்பதுடன் வடமாகாண மாணவர்களுக்கான ஒரு பயிற்சிப் பரீட்சையுமாகும்.
கொரோனாத் தொற்றுக் காரணமாக கல்வி நடவடிக்கைகள் பாதிக்கப்பட்டுள்ள மாணவர்களை மதிப்பீடு செய்வதற்கு இந்தப் பரீட்சைகள் உதவும் என்பதால் வட மாகாணத்தில் உள்ள சகல பாடசாலைகளைச் சேர்ந்த மாணவர்களும் பரீட்சைக்குத் தோற்றுவதை அந்தந்தப் பாடசாலை அதிபர்கள் உறுதி செய்யுமாறு வெளிக்கள நிலைய இணைப்பாளர் கேட்டுக் கொண்டுள்ளமை குறிப்பிடத்தக்கது
