வவுனியா- ஈச்சங்குளம் பகுதியில் நேற்று இரவு 7 மணியளவில் இடம்பெற்ற விபத்தில் 15 வயது மாணவன் ஒருவர் உயிரிழந்துள்ளார்
வவுனியா, ஈச்சங்குளம் பிரதான வீதியில் தனியார் கல்வி நிலையத்தில் இருந்து வீடு திரும்பிக் கொண்டிருந்த மாணவனை மோட்டார் சைக்கிள் மோதியதால் இந்த விபத்து இடம்பெற்றது.
விபத்தில் துவிச்சக்கர வண்டியில் பயணித்த 15 வயதுடைய எழில்ராசா புவிதரன் என்ற புதுக்குளம் மகாவித்தியாலய மாணவன் மரணமடைந்துள்ளார். மோட்டார் சைக்கிளில் பயணித்த ஒருவர் காயமடைந்துள்ளார்.
மூன்று மோட்டார் சைக்கிள்கள் சமாந்தரமாக சென்றமையினாலேயே குறித்த விபத்து இடம்பெற்றதாக அப்பகுதியில் நின்றவர்கள் தெரிவித்துள்ளனர்.
விபத்துக்குள்ளான மோட்டர் சைக்கிள் தவிர ஏனைய இரு மோட்டார் சைக்கிள்களும் அங்கிருந்து தப்பிச் சென்றுள்ளதாக தெரிவித்துள்ளன. இது தொடர்பில் ஈச்சங்குளம் பொலிசார் விசாரணைகளை முன்னெடுத்துள்ளனர்.
