Scarborough-Agincourt MPP Babikian calls for Memorial Honoring Tendercare Living Centre for Seniors
கனடாவின் ஒன்றாரியோ மாகாண அரசின் ஸ்காபுறோ அஜின்கோர்ட் தொகுதியின் பாராளுமன்ற உறுப்பினர் திரு அரிஸ் பாபிகியன் நேற்று திங்கட்கிழமை தனது தொகுதியில் அமைந்துள்ள சில தினங்களுக்கு முன்னர் சென்று அங்கு கொரோனா நோய்த் தொற்று காரணமாக மரணித்த பலரது இழப்புக்கள் தொடர்பாக தனது அஞ்சலியைத் தெரிவித்துக்கொண்டார்
அவர் அங்கு தங்கியிருக்கும் முதியோர் மற்றும் அவர்களது உறவினர்கள் ஆகியோரோடு மிகவும் கவலையோடு உரையாடுகையில், இந்த முதியோர் நிலையத்தில் இடம்பெற்ற இழப்புக்களுக்காக நான் மிகவும் வருந்துகின்றேன். இதற்கு முன்னர் நான் பல தடவைகள் இங்கு வந்து இங்கு வதியும் முதியோர் மற்றும் நண்பர்களோடு கொண்டாட்டங்களில் கலந்து கொண்டுள்ளேன். பலருடைய பிறந்த நாள் விழாக்கள் மற்றும் மகிழ்ச்சியான தருணங்களில் நான் அவர்களோடு இருந்திருக்கின்றேன்.
ஆனால், தற்போது நிகழ்ந்துள்ள சோகமான இழப்புக்கள் என்னை மிகவும் பாதித்துள்ளன. இந்த முதியோர் நிலையத்தில் கடமையாற்றும் பல பணியாளர்கள் மற்றும் சேவை வழங்குபவர்கள் ஆகியோரிடம் மகிழ்ச்சியாக உரையாடியிருக்கின்றேன். ஆனால் அவர்களும் இந்த வகையான இழப்புக்களால் அதிர்ச்சியடைந்துள்ளதை நான் கண்டு கவலையடைகின்றேன். இந்த இழப்புக்களால் மிகவும் பாதிக்கப்பட்டு கவலைக்குள்ளாகியுள்ள முதியோர்களின் உறவினர்கள் மற்றும் குடும்பத்தினருக்கு எனது அனுதாபங்களைத் தெரிவித்துக்கொள்கின்றேன்.
இந்த நெருக்கடியான நேரத்தில் பெரும் அழிவுகளால் பாதிக்கப்பட்டுள்ள அவர்களின் துக்கத்தில் நானும் பங்கெடுக்கின்றேன். மேலும் இங்கு உயிரழந்த 43 முதியவர்களின் ஆத்மா சாந்தியடைய நான் பிரார்த்திக்கின்றேன்.” என்று தெரிவித்தார்.
