‘கனடா உதயன்’ பத்திரிகை நிறுவனத்தின் வெள்ளிவிழாவை முன்னிட்டு பெப்ரவரி மாதம் கடைசி வாரத்தில் 27ம் திகதி சனிக்கிழமை மற்றும் 28ம் திகதி ஞாயிற்றுக்கிழமை ஆகிய இரு நாட்கள் நடத்தும் 20 வயதுக்கு உட்பட்டோருக்கான உலகளாவிய பேச்சுப் போட்டியில் பங்குபற்றும் வகையில் விண்ணப்பித்து சுமார் 60 தம்பி தங்கையர்க்கும் நன்றி.
விண்ணப்பித்த இளைய தலைமுறை பேச்சாளர்களின் பெயர்களை அட்டவணைப் படுத்தும் பணிகள் தற்போது நடுவர் குழுவினரால் பூர்த்தி செய்யப்பட்டுள்ளன. ஒவ்வொரு இளம் பேச்சாளரும் எந்த ◌நாளில் பேச அழைக்கப்படுவார்? கிட்டத்தட்ட எந்த நேரத்தில் அவர் அழைக்கப்படுவார் போன்ற விபரங்கள் இன்னும் ஓரிரு நாட்களில் விண்ணபபித்த அனைத்து தம்பி தங்கையர்களுக்கு அறிவிக்கப்படும்
மேற்படி பேச்சுப் போட்டியில் பங்குபற்றுவதற்காக எமக்கு, இலங்கை, இந்தியா, மலேசியா, இங்கிலாந்து, கனடா, அமெரிக்கா, சுவிற்சலாந்து ஆகிய நாடுகளிலிருந்து விண்ணப்பங்கள் கிடைக்கப்பெற்றுள்ளன.
போட்டி நடைபெறும் இரண்டு நாட்களும், நேரடி ஒளிபரப்பு அனலை எக்ஸ்பிரஸ் தொலைக்காட்சி HD TV மற்றும் MON தமிழ் தொலைக்காட்சி ஆகியவற்றிலும் ஒளிபரப்பாகவுள்ளன. அத்துடன் வேறு பல நட்பூடகங்களின் ஊடாக இணையவழி ஊடாகவும் முகநூல் ஊடாகவும் எடுத்துவரப்படவுள்ளது என்பதையும் அறியததருகின்றோம்.
மேற்படி பேச்சுப் போட்டி விளம்பரப் பிரசுரத்தில் காட்டப்பட்டுள்ள இலங்கை மற்றும் இந்தியாவைச் சேர்ந்த 12 அரசியல் தலைவர்களில் தமக்கு பிடித்தமான யாராவது ஒருவரைப் பற்றி விண்ணப்பிக்கும் போட்டியாளர்கள் 5 நிமிடத்திற்கு மேற்படாமல் பேச வேண்டும் என்றும் நாம் கேட்டிருந்தோம். அதற்கு ஏற்ப எமக்கு விண்ணப்பங்கள் கிடைத்துள்ளன.
மேற்படி பேச்சுப் போட்டிக்கு இலங்கை, இந்தியா மற்றும் கனடா ஆகிய நாடுகளிலிருந்து நடுவர்கள் தெரிவு செய்யப்பட்டுள்ளார்கள் என்பது இங்கு குறிப்பிடத்தக்கது.
போட்டி தொடர்பான விபரங்களைப் பெற்றுக்கொள்ளவிரும்பும் அன்பர்கள் 1 416 732 1608 என்னும் வற்ஸ் அப் இலக்கத்திலோ, அன்றி uthayannews@yahoo.com என்னும் மின்னஞ்சல் விலாசத்திலோ தொடர்பு கொள்ளலாம்.
கனடா உதயன் நிறுவனம்- ஸ்காபுறோ- கனடா
