வவுனியாவில் காணாமல் போன தனது மகனைத் தேடி வந்த தாய் ஒருவர் சுகவீனம் காரணமாக நேற்று முன்தினம் மரணமடைந்துள்ளார்.
வவுனியா மறவன்குளம் பகுதியைச் சேர்ந்த தாமோதரம்பிள்ளை பேரின்பநாயகி வயது 61 என்ற தாயே நேற்று முன்தினம் மரணமடைந்துள்ளார். இவரது 39 வயதுடைய மகன் தருமகுலநாதன் கடந்த 2000 ஆம் ஆண்டு வவுனியாவில் வைத்து காணாமல் ஆக்கப்பட்டிருந்தார். அவரைத்தேடி வவுனியாவில் 1,465 நாட்களாக முன்னெடுக்கப்பட்டுவரும் சுழற்சிமுறை போராட்டத்திலும் குறித்த தாய் கலந்து கொண்டு தனது மகனை கண்டுபிடித்து தரும்படி வேண்டியவண்ணம் போராடியிருந்தார். இந்நிலையில் மகனை மீண்டும் நேரில் காணாமலேயே அவர் நேற்று முன்தினம் மரணமடைந்துள்ளமை பற்றி அறிவிக்கப்பட்டுள்ளது
