இலங்கையில் மூதூர் பிரதேசத்தில் கட்டைப்பறிச்சான் கிராமத்தைப் பிறப்பிடமாகக் கொண்ட மாணவன் கருணாகரன் ஷதுர்ஜன் பல்கலைக் கழக பொறியியல் துறைக்கு தேர்வாகியுள்ள நிலையில் தந்தையை இழந்த அவருக்கு பொருளாதார உதவிகள் தேவைப்பட்டன.
இந்த விபரத்தை கனடா ரெரறன்ரோ மனித நேயக் குரல் அமைப்பினரின் கவனத்திற்கு ஆசிரியர் திரு த. ரூபன் கொண்டு வந்தார்.
இந்த மாணவருக்கு முதற்கட்ட உதவியாக இருபதாயிரம் ரூபாய்கள் அங்கு அனுப்பி வைக்கப்பெற்று சில நாட்களுக்கு முன்னர் மாணவரது தாயாரிடம் கையளிக்கப்பெற்றது.
தொடர்ந்து, இந்த மாணவனுக்கு இரண்டாம் கட்ட உதவி வழங்கப்படும் என்ற ரொறன்ரோ மனித நேயக் குரல் அமைப்பின் இயக்குனர் சபை தீர்மானித்துள்ளது.
முதற்கட்ட நிதிக்கான பங்களிப்பை வழங்கிய கனடா வீடு விற்பனை முகவர் ராஜ் பேரம்பலம் அவர்களுக்கு ரொறன்ரோ மனித நேயக் குரல் அமைப்பு நன்றியைத் தெரிவிக்கின்றது.
— செய்தி : சத்தியன்: படம் கௌதமன்: திருமலை
