கனடா உதயன் பத்திரிகையின் முதலாவது இதழ் 1996ம் ஆண்டு மே மாதம் 3ம் திகதியன்று ஸ்காபுறோ, ஶ்ரீ துர்க்கையம்மன் தேவஸ்த்தானத்தில் தான் வெளியிடப்பெற்றது. அன்றையை தினம் பத்திரிகையின் முதலாவது இதழை தற்போதைய கனடா ஈஸ்ட் எப்எம் பண்பலை வானொலி நிலைய அதிபர் நண்பர் நடா ராஜ்குமார் அவர்கள் ஆலயத்தின் பிரதம சிவாச்சாரியார் சிவஶ்ரீ தியாகராஜக் குருக்கள் கணேச சுவாமிள் அவர்களிடமிருந்து பெற்றுக்கொண்டார்.
இன்றைய தினம் மேற்படி ஆலயத்தின் வருடாந்த மஹோற்சவத்தின் சப்பரத்திருவிழா நடைபெறுகின்றது. அங்கு உதயன் பத்திரிகையின் பிரதம ஆசிரியர் அவர்கள் ஆலயத்தின் பிரதம சிவாச்சாரியார் சிவஶ்ரீ தியாகராஜக் குருக்கள் கணேச சுவாமிகள் அவர்களிடத்தில் உதயன் வெள்ளி விழா சிறப்பிதழ் பிரதி ஒன்றை வழங்கினார். அதனைத் தொடர்ந்து அங்கு வருகை தந்திருந்த சில அன்பர்களுக்கும் பிரதிகள் வழங்கப்பெற்றன.
படங்களில் ஆலயத்தின் பிரதம சிவாச்சாரியார் சிவஶ்ரீ தியாகராஜக் குருக்கள் கணேச சுவாமிகள் அவர்களோடு சப்பரத்திருவிழா உபயகாரர்களும் காணப்படுகின்றனர்.
