(மன்னார் நிருபர்)
(12-08-2021)
மன்னார் மாவட்டத்தில் பைஸர் தடுப்பூசியின் இரண்டாவது தடுப்பூசி செலுத்தும் நடவடிக்கைகள் முன்னெடுக்கப்பட்டு வருகின்ற நிலையில் மக்கள் ஆர்வத்துடன் சென்று தடுப்பூசியை பெற்று வருகின்றனர்.
மன்னார் மாவட்டத்தில் பைஸர் தடுப்பூசியின் இரண்டாவது தடுப்பூசி செலுத்தும் நடவடிக்கைகள் இன்றைய தினம் வியாழக்கிழமை (12) மன்னார் நகரத்தில் சித்திவிநாயகர் இந்து கல்லூரி, மன்னார் புனித சவேரியார் பெண்கள்; கல்லூரி, நானாட்டான் டிலாசால் பாடசாலை , மடு தட்சணா மருதமடு பாடசாலை, மறிச்சுக்கட்டி அல்.யசிர் பாடசாலையிலும் இரண்டாம் கட்ட பைஸர் தடுப்பூசி வழங்கப்படது.
சுகாதார துறையினருடன்,இராணுவம் மற்றும் விமானப் படையினர் இணைந்து குறித்த நடவடிக்கைகளை முன்னெடுத்தன.
இதன் போது மக்கள் ஆர்வத்துடன் உரிய நிலையங்களுக்குச் சென்று தமது 2வது தடுப்பூசி பெற்றுக் கொண்டுள்ளமையும் குறிப்பிடத்தக்கது.
