COVID-19 தாக்கத்திலிருந்து , மக்களைக் காப்பாற்ற உழைத்த சேவையாளர்களுக்கு வழங்கப்பெற்ற தொண்டர் சேவைப் பதக்கங்கள்
COVID-19 வைரஸின் தாக்கம் அதிகமாக இருந்தபோது, மக்களைக் காப்பாற்ற உழைத்த வைத்தியசாலைகள் உத்தியோகத்தர்கள் மற்றும் ஊழியர்கள் மற்றும் முதியோர் இல்லங்களின் சேவையாளர்கள் ஆகியோரின் தன்னலமற்ற சேவையைப் பாராட்டி நடத்தப்பெற்ற வைபவத்தில் ஸ்காபுறோ வடக்கு பாராளுமன்ற உறுப்பினர் MP Shaun Chen அவர்கள் அரசாங்கம் சார்பான தொண்டர் சேவைப் பதக்கங்களை வழங்கிக் கௌரவித்தார்.
பல தொண்டர்கள் மற்றும் வைத்தியர்கள் தாதிகள் பொதுச் சேவையாளர்கள் ஆகியோர் இந்த கௌரவங்களைப் பெற்றனர்.
இந்த கோவிட்-19 தீவிரமாக இருந்த காலத்தில் உணவுப் பொதிகளை வைத்தியசாலைகளுக்கு வழங்கிய ஸ்காபுறோ சரவணா பவன் உணவகத்தின் தலைவர் திரு கணேசன் சுகுமார் மற்றும் முகாமையாளர் முஜா ஆகியோருக்கும் பதக்கங்கள் வழங்கப்பெற்றன. இவர்களுடன் அங்கு பணியாற்றும் சமையல் வல்லுனர்கள் மற்றும் உதவியாளர் ஆகியோருக்கும் பதக்கங்கள் வழங்கப்பெற்றன என்பது இங்கு குறிப்பிடத்தக்கது.
