ஜெகதீஸ்வரன் டிஷாந்த்
தமிழரசுக்கட்சியின் முல்லைத்தீவு மாவட்டக்கிளைத் தெரிவு சுமூகமாக இடம்பெற்றது
இலங்கைத் தமிழரசுக்கட்சியின் முல்லைத்தீவு மாட்டக்கிளையின் நிர்வாகத் தெரிவுக்கூட்டம் 24.12.2022இன்று இடம்பெற்றது.
முல்லைத்தீவு – மாங்குளம்,பொதுச்சந்தைக் கட்டடத் தொகுதியில் அமைந்துள்ள புதுக்குடியிருப்பு பிரதேசசபைக்குரிய மண்டபத்தில் இடம்பெற்ற குறித்த கூட்டமானது, இலங்கைத் தமிழரசுக்கட்சியின் நிர்வாகச் செயலாளர் சூசைப்பிள்ளை சேவியர் குலநாயகத்தின் தலைமையில் இடம்பெற்றது.
குறித்த கூட்டத்தில் இலங்கைத் தமிழரசுக்கட்சியின் முல்லைத்தீவு மாவட்ட கிளைக்கு புதிய தலைவர், செயலாளர், பொருளார், உபதலைவர், உபசெயலாளர், மற்றும் செயற்குழு உறுப்பினர்கள் தெரிவுசெய்யப்பட்டனர்.
அந்தவகையில் இலங்கைத் தமிழரசுக்கட்சியின் முல்லைத்தீவு மாவட்டக்கிளையின் புதிய தலைவராக முன்னாள் பாராளுமன்ற உறுப்பினர் சிவப்பிரகாசம் சிவமோகன் தெரிவுசெய்யப்பட்டதுடன், புதிய செயலாளராக முன்னாள் வடமாகாணசபை உறுப்பினர் துரைராசா ரவிகரனும், புதிய பொருளாளராக தம்பிப்பிள்ளை யோகானந்தராசாவும் தெரிவுசெய்யப்பட்டார்.
நிகழ்வில் தமிழ் தேசிய கூட்டமைப்பின் பிரதேச சபை உறுப்பினர்கள் மற்றும் பொதுமக்கள் என பலரும் கலந்து கொண்டிருந்தனர்
நிகழ்வில் ஊடகங்களுக்கு அனுமதி மறுக்கப்பட்டிருந்தது
