ஜெகதீஸ்வரன் பிரஷாந்த்
மட்டக்களப்பு மாவட்டம் கொக்கட்டிச்சோலை – தாந்தாமலை பகுதியில் உள்ள குளத்தில் பாடசாலை மாணவர்கள் பயணித்த படகொன்று கவிழ்ந்து விபத்துக்குள்ளானதில் மாணவர்கள் மூவரும் ஆசிரியர் ஒருவரும் நீரில் மூழ்கி உயிரிழந்துள்ளனர்.
களுமுந்தன்வெளி பகுதியில் உள்ள பாடசாலையொன்றில் பயிலும் மாணவர்கள் குறித்த பகுதிக்கு ஆசிரியரொருவருடன் இன்று பிற்பகல் சென்றிருந்தனர்.
இதன்போது, 3 மாணவர்களுடன் படகு ஒன்றில் பயணித்த சந்தர்ப்பத்தில், அந்த படகு கவிழ்ந்து விபத்துக்குள்ளானதுடன், அதில் பயணித்த மாணவர்கள் காணமல்போயுள்ளனர்.
இதனையடுத்து, அவர்களை மீட்பதற்கு முயற்சித்த ஆசிரியர் (வயது 29) நீரில் மூழ்கி உயிரிழந்தார்.
சம்பவத்தை அடுத்து மேற்கொள்ளப்பட்ட தேடுதல் நடவடிக்கையில் 16 வயதுகளை உடைய மாணவர்கள் மூவரின் சடலங்களும் மீட்கப்பட்டுள்ளன என்று மட்டக்களப்புத் தகவல்கள் தெரிவிக்கின்றன.
