யாழ்ப்பாணம் பிராந்திய சுகாதார பணிமனை கட்டடத்தை மத்திய சுகாதார அமைச்சின் பாவனைக்கு எடுத்துக் கொள்வது தொடர்பில் அவை தலைவர் சி.வி.கே.சிவஞானம் கேள்வி எழுப்பிய நிலையில் ஆளுநருக்கு அனுப்பிய கடிதத்தை மீளப்பெறுவதாக யாழ்ப்பாண போதனா வைத்தியசாலை பணிப்பாளரும் பதில் மாகாண சுகாதார பணிப்பாளருமான வைத்தியர் தங்கமுத்து சத்தியமூர்த்தி தெரிவித்தார்.
நேற்றையதினம் புதன்கிழமை யாழ்ப்பாண மாவட்ட அபிவிருத்தி ஒருங்கிணைப்பு குழு தலைவர் அமைச்சர் டக்ளஸ் தேவானந்தா தலைமையில் இடம்பெற்ற கூட்டத்தின் போது இவ்வாறு தெரிவிக்கப்பட்டது.
இது குறித்த மேலும் தெரிவிக்கையில்,
மாவட்ட ஒருங்கிணைப்பு குழு கூட்டத்தில் சுகாதார விடயங்கள் தொடர்பான கலந்துரையாடலின் போது அவைத் தலைவர் சி.வி.கே.சிவஞானம், மாகாண அதிகாரத்துக்கு உட்பட்ட கட்டடம் ஒன்றை மத்திய சுகாதார அமைச்சுக்கு வழங்குவது பொருத்தம் அற்றது எனத் தெரிவித்தார்.
இவ்வாறான விடயங்கள் மாகாண அதிகாரங்கள் தொடர்பில் பலவீனத்தன்மையை ஏற்படுத்தும் எனவும் இதை சம்பந்தப்பட்டவர்கள் கருத்தில் கொள்ள வேண்டும் என கூறினார்.
இதன் போது பதில் அளித்த வடமாகாண ஆளுநர் பி.எச்.எம்.சாள்ஸ், தன்னிடம் கோரிக்கை அனுப்பப்பட்டதாகவும் குறித்த கடிதத்திற்கு தான் பதிலளிக்கவில்லை எனத் தெரிவித்தார்.
அது மட்டும் அல்ல அது மாகாண அதிகாரங்களை மத்திய வழங்க வேண்டிய தேவை ஏற்படவில்லை எனவும் கடந்த காலங்களில் மாகாண பாடசாலைகளை மதிக்கு வழங்குவது தொடர்பில் நான் செயற்பட்ட விதம் அனைவருக்கும் தெரியும் எனும் தெரிவித்தார்.
இதன்போது கருத்து தெரிவித்த வைத்தியர் சத்தியமூர்த்தி யாழ்ப்பாணம் போதனா வைத்தியசாலையின் நெருக்கடி நிலைமையை கருத்தில் கொண்டு அருகில் உள்ள பிராந்திய சுகாதார பணிமனை கட்டடத்தை கேட்டேன்.
ஆனால் இந்த கோரிக்கைையினால் பிரச்சனை ஏற்படுமாயின் பிரச்சனைக்கு உள்ளாக விரும்பவில்லை ஆளுநருக்கு அனுப்பிய கடிதத்தை மீளப் பெறுவதற்கான கடிதத்தை அனுப்புவதாக தெரிவித்தார்.
