கனடாத் தமிழ் எழுத்தாளர் இணையம் நடத்தும் கனடா வாழ் தமிழ்ப் படைப்பாளிகளை கௌரவிக்கும் விருதுவிழா-2023 எதிர்வரும் ஒக்டோபர் 28ம் திகதி சனிக்கிழமை நடைபெறவுள்ளது.
கனடாவில் கடந்த 30 வருடங்களாக இயங்கி வரும் கனடாத் தமிழ் எழுத்தாளர் இணையம், எதிர்வரும் ஒக்டோபர் 28, 2023 சனிக்கிழமை காலை 10 மணி முதல் பிற்பகல் 2 மணி வரை ஸ்காபரோ நகரசபை மண்டபத்தில் (Scarborough Civic Centre Auditorium, 150 Borough Dr, Scarborough, ON M1P 4N7) விருதுவிழா-2023 நிகழ்வினை
நடத்தவுள்ளது. இந்த நிகழ்வில் கனடாவில் வாழ்ந்து வரும் மூத்த எழுத்தாளர்கள், ஆய்வாளர்கள்.அறிஞர் என தெரிவு செய்யப்பெற்றுள்ள பத்து பேர் “வாழ்நாள் சாதனை விருதுகள் வழங்கிக் கௌரவிக்கப்படவுள்ளார்கள் என்பது குறிப்பிடத்தக்கது. தற்போதையை நிர்வாக சபையில் தலைவராக அகணி சுரேஸ் அவர்களும் செயலாளராக கமலவதனா சுந்தா அவர்களும் பொருளாளராக அருட்கவி ஞானகணேசன் அவர்களும் பணியாற்றுகின்றார்கள் என்பது கவனிக்கத்தக்கது
