பாலஸ்தீனத்தை அங்கீகரிப்பது பற்றி, கவிஞர் வைரமுத்து வெளியிட்டுள்ள பதிவு வருமாறு:-
“அயர்லாந்து நார்வே ஸ்பெயின்
ஆகிய நாடுகள்
பாலஸ்தீனத்தைத் தனிநாடாக
அங்கீகரித்த தீர்மானத்தை
சர்வதேச சமூகம்
வழிமொழிய வேண்டும்
போர்க் களத்தில்
போர் சாக வேண்டும்
சிதறிய மண்டையோடுகளும்
உடைந்த கல்லீரல்களும்
இருதயத்தின்
கிழிந்த மாமிசங்களும்
சிறார்களின்
முற்றாத மூளைகளும்
தாய்ப்பாலோடு
தெறித்து விழுந்த மார்பகங்களும்
இனி எந்த நாட்டிலும்
தென்படக் கூடாது
ஸ்பெயின் பிரதமர் சொன்னதுபோல்
‘பாலஸ்தீனத்தை அங்கீகரிப்பது
இஸ்ரேலுக்கு எதிரானதல்ல;
அமைதிக்கு ஆதரவானது’
இந்தியாவை ஆளப்போகும்
புதிய அரசும் பாலஸ்தீனத்தை
அங்கீகரிக்க வேண்டும்
ஐ.நாவில் பாடப்பட்ட
பாடலை நினைவூட்டுகிறோம்
“வெள்ளைப் பூக்கள்
உலகம் எங்கும் மலர்கவே
விடியும் பூமி
அமைதிக்காக விடிகவே.”
இவ்வாறு அவர் பதிவிட்டுள்ளார்.
