மேற்படி விடயம் தொடர்பாக செஞ்சோலை படுகொலையின் 18வது ஆண்டு நினைவு நாளான, ஓகஸ்ட் 14, 2024 அன்று வவுனியா-தமிழர் தாயக காணாமல் ஆக்கப்பட்டோர் சங்கத்தினர் வெளியிட்ட செய்தியறிக்கையை கீழே காணலாம்:
காணாமல் ஆக்கப்பட்ட தமிழ் குழந்தைகளை கண்டறியவும்,எதிர்கால இனப்படுகொலைகளில் இருந்து தமிழர்களை பாதுகாக்கவும்,தமிழ் இறையாண்மைக்காகவும்,அமெரிக்க,ஐரோப்பிய ஒன்றியத்தின் உதவிகளை பெறவும் எமது தொடர் போராட்டத்தின் 2727வது நாள் இன்று வவுனியா நீதிமன்றத்திற்கு முன்பாக ஏ-9 வீதியில் உள்ள இந்த பந்தலில் எமது பயணம் தொடர்கிறது.
சில மாதங்களுக்கு முன், இலங்கை, சுவிட்சர்லாந்து, மற்றும் சுரேந்திரன், ஜெயராஜா, டான்டன் துரைராஜா போன்ற புலம்பெயர் தமிழர்கள் சிலர் “இமாலயத் தீர்மானம்” மூலம் பெரும் பரபரப்பை ஏற்படுத்தினார்கள். இந்த நடவடிக்கை ஈழத் தமிழர்கள் மற்றும் புலம்பெயர்ந்த தமிழ் மக்கள் மத்தியில் அதிர்ச்சி அலைகளை ஏற்படுத்தியது. சமாதானம், நீதி மற்றும் பொறுப்புக்கூறல் போன்றவற்றுக்கு இடையூறு விளைவிக்காமல் தமிழர் தாயகத்தில் முதலீடு செய்யுமாறு சுவிட்சர்லாந்தை வலியுறுத்தினோம். மாற்றாக, நிலையான அரசியல் தீர்வைக் கொண்டு வருவதற்கு அவர்கள் தங்கள் அனுபவத்தைப் பகிர்ந்து கொள்ளுமாறு நாங்கள் பரிந்துரைத்தோம்.
தற்போது மீண்டும் சுவிஸ் தூதர்கள் தமிழ் குழந்தைகளை இழந்த தாய்மார்களை ரேணுகா ஹோட்டலில் சந்தித்தனர். நாங்கள் ஆஜராகவில்லை, அழைப்பும் இல்லை. நாங்கள் அழைக்கப்பட்டிருந்தாலும், நாங்கள் இந்த நிகழ்வில் பங்கேற்க மாட்டோம். சுவிஸ், அந்த தாய்மார்களை கம்போடியாவிற்கும் பிற இடங்களுக்கும் பயணங்களை வழங்குவதாக உறுதியளிக்கப்பட்டது. சுவிஸ் தூதரக அதிகாரிகளும் சட்டப்படி கட்டுப்படாத மக்கள் தீர்ப்பாயத்தை நடத்த பரிந்துரைத்தனர். இது உண்மையான நீதி மற்றும் பொறுப்புக்கூறலை வழங்கக்கூடிய ஒரே அமைப்புகளான ஐசிசி(ICC)அல்லது ஐசிஜேயின் (ICJ) விசாரணைகளை புறக்கணிப்பதை நோக்கமாகக் கொண்டுள்ளது.
இன்று, OMP, காணாமல் போனோர் தொடர்பான அலுவலகம் 2 இலட்சம் ரூபாவை வழங்குகின்றது, ஆனால் தாய்மார்களின் தொடர்ச்சியான போராட்டங்கள் குறித்து அவர்களை வாயடைக்க லஞ்சம் கொடுப்பது இது ஒரு வழியாகும் என்று நாங்கள் நம்புகிறோம். ஆனாலும், இலங்கை அரசாலும் அவர்களின் ஆதரவாளர்களாலும் வலுக்கட்டாயமாகப் பிடித்துச் செல்லப்பட்ட எமது தமிழ்க் குழந்தைகள் பற்றி எதுவும் குறிப்பிடப்படவில்லை.
தமிழ்த் தாய்மார்களாக நாங்கள் ஓ.எம்.பி.யிடம் இருந்து லஞ்சப் பணத்தைப் பெற விரும்பவில்லை. மாறாக எமது மக்களுக்கு எதிராக இனப்படுகொலை செய்த இலங்கை அரசைப் பாதுகாக்கும் ஓ.எம்.பி எமது தமிழர் தாயகத்தை விட்டு வெளியேற வேண்டும் என்று கோருகின்றோம்.
2020 இல் மைத்திரிக்கு எதிராக பொதுத் தமிழ் வேட்பாளரை அம்மாக்களாகிய நாங்கள் சிபாரிசு செய்தோம் என்பதையும் தெரிவித்துக் கொள்ள விரும்புகிறோம். தமிழ்த்தேசிய மக்கள் முன்னனியில் இருந்து ஆற்றல் மிக்கவராகவும், சிறந்த பேச்சாளராகவும் இருந்த ஒருவரைத் தேர்ந்தெடுத்தோம். இந்த வேட்பாளரின் இலக்கு தமிழரின் இறையாண்மை அரசியல் நோக்கத்தை உலகத்துடன் அதிகளானான தமிழ் வாக்குகளுடன் பகிர்ந்து கொள்வதாகும்.
நிபந்தனையுடன், தமிழ் பொது வேட்பாளரை வரவேற்கிறோம், ஆனால் அவர் தமிழர் இறையாண்மை உள்ளிட்ட சுயநிர்ணய உரிமையின் முக்கியத்துவத்தை வலியுறுத்த வேண்டும். இந்த இறையாண்மையை அடைவதற்கான தெளிவான பாதையையும் அவர் கோடிட்டுக் காட்ட வேண்டும்.
ஒரு அணுகுமுறையானது பொதுவாக்கெடுப்பு போன்ற உலகளாவிய அங்கீகாரம் பெற்ற முறையின் மூலமாகும். இறையாண்மையைப் பெறுவதற்காக இனப்படுகொலைக்கான ஆதாரங்களை சர்வதேச குற்றவியல் நீதிமன்றத்தில் (ICC) முன்வைப்பது மற்றொரு முறை. கணிசமான புவிசார் அரசியல் மாற்றங்கள் இல்லாமல் சவாலானதாக இருந்தாலும், இலங்கை வழக்கை ஐ.சி.சி.க்கு பரிந்துரைப்பதை ஐ.நா பரிசீலிக்க வேண்டும்.
வேட்பாளரை ஆதரிக்கும் அமைப்புக்கள் தமது தேர்தல் விஞ்ஞாபனம் தமிழர் இறையாண்மைக்கான வாக்கெடுப்பு என்பதை அங்கீகரிக்க வேண்டுமென அம்மாக்களாகிய நாம் கேட்டுக்கொள்கிறோம். 75% சிங்களவர்களாலும் மத்திய அரசாங்கத்தாலும் எந்த நேரத்திலும் இரத்துச் செய்யக்கூடிய ஒற்றையாட்சி 13வது திருத்தம் மற்றும் சமஷ்டி முறைக்காக வாதிடுவதைத் தவிர்க்குமாறு கேட்டுக்கொள்கிறோம்.
மிக விரைவில் எம்மை விட்டு பிரிந்த எமது அன்பு நண்பர் ஈழம் சேகுவாராவை நாம் கௌரவிக்க விரும்புகின்றோம். எங்கள் போராட்டத்தின் ஆரம்ப நாட்களில் அவர் எங்களுக்கு வழிகாட்டி வெளிச்சமாக இருந்தார்.
ஒரு நேசத்துக்குரிய உயரிய நண்பனின் அன்பான நினைவுகள், எப்போதும் எங்கள் இதயங்களில் இருக்கும்.
நன்றி
கோ.ராஜ்குமார் செயலாளர்
தமிழர் தாயக காணாமல் ஆக்கப்பட்டோர் சங்கம்.
