நடிகர் அஜித் குமார், இயக்குநர் மகிழ் திருமேனி கூட்டணியில் உருவாகி வரும் படம் விடாமுயற்சி. லைகா நிறுவனம் தயாரிக்கும் இந்த படத்தில் அர்ஜூன், ஆரவ், ரெஜினா கசாண்ட்ரா, பிரியா பவானி சங்கர் உள்பட பலர் நடித்துள்ளனர். விடாமுயற்சி அஜித் குமாரின் 62 ஆவது திரைப்படம் ஆகும். அனிருத் இசையமைக்கும் இந்த படத்தின் பெரும்பாலான படப்பிடிப்பு அஜர்பைஜானில் நடந்தது. சமீபத்தில் இந்த படத்தின் பர்ஸ்ட் லுக் போஸ்டர் வெளியிடப்பட்டது. அதன்பிறகு தொடர்ச்சியாக விடாமுயற்சி போஸ்டர்கள் வெளியிடப்பட்டு வருகின்றன. அந்த வரிசையில், தற்போது விடாமுயற்சி படத்தின் புதிய பதாகைகள் வெளியிடப்பட்டு உள்ளன. இந்த பதாகைகளில் நடிகர் கணேஷ் சரவணன் மற்றும் தசரதி ஆகியோரின் தோற்றம் இடம்பெற்று இருக்கிறது. விடாமுயற்சி படம் நீண்ட காலம் படமாக்கப்பட்டு வருகிறது. தற்போது படக்குழு அடுத்தடுத்து பதாகைகளை வெளியிட்டு வருவதால் ரசிகர்கள் மகிழ்ச்சி அடைந்துள்ளனர்.
![அஜித் நடிக்கும் விடாமுயற்சி பட புதிய பதாகை](https://uthayannews.ca/wp-content/uploads/2024/08/Ajith-vidaamuyarchi-poster.jpg)