சாமானியன் படம் 100 நாள் வெற்றி விழா கொண்டாட்டத்தில் ரசிகர்களுடன் நடிகர் ராமராஜன் கேக் வெட்டி கொண்டாடினார். சாமானியன் திரைப்படத்தின் 100ஆவது நாள் வெற்றி விழா, ஆலங்குளம் டி.பி.வி. திரையரங்கில் நடைபெற்றது. இந்நிகழ்ச்சியில் நடிகா் ராமராஜனுக்கு திரையரங்கு உரிமையாளா்கள் டி.பி.வி. கருணாகராஜா, டி.பி.வி. வைகுண்டராஜா ஆகியோர் கேடயம் வழங்கினர் தொடா்ந்து கேக் வெட்டப்பட்டு, ரசிகா்களுக்கு அளிக்கப்பட்டது. அப்போது பேசிய ராமராஜன், 12 ஆண்டுகளுக்குப் பின்னா், நான் நடித்த சாமானியன் திரைப்படத்தை வெற்றிப்படமாக்கிய ஆலங்குளம் சுற்று வட்டார ரசிகா்களுக்கு நன்றி.
ஒரு படம் 10 நாள் ஓடினாலே வெற்றி விழா எனும் சூழலில் இப்படம் 100ஆவது நாளை எட்டியது மகிழ்ச்சி அளிக்கிறது என்றார். திரையரங்கு நிர்வாகிகள் திவாகா், விபின், நவீன், ரசிகா் மன்றத் தலைவா் சுப்பையா உள்பட பலா் பங்கேற்றனா்.
