சூர்யா நடித்த ‘கங்குவா’ படம் நவம்பர் 14-ம் தேதி வெளியீடு

நடிகர் சூர்யா நடிப்பில் உருவாகியுள்ள கங்குவா திரைப்படத்தின் மேல் பெரிய எதிர்பார்ப்பு எழுந்துள்ளது. இதன் முன்னோட்டம் வெளியாகி கவனம் பெற்றதால், சூர்யா – சிவா கூட்டணியில் உருவான கங்குவா படத்திற்காக ரசிகர்கள் காத்திருக்கின்றனர். இப்படத்தை அக்டோபர் 10ம் தேதி வெளியிடுவதாகத் தயாரிப்பு நிறுவனம் அறிவித்திருந்தது. அதற்காக, இறுதிக்கட்ட பணிகள் தீவிரமாக நடைபெற்று வந்தன. இந்த நிலையில், நடிகர் ரஜினிகாந்த் நடிப்பில் உருவான வேட்டையன் படமும் அக்டோபர் 10ம் தேதிக்கு வெளியாகும் என அறிவிக்கப்பட்டது. ரஜினியின் வேட்டையன் திரைப்படமும் அதே தேதியில் வெளியாக உள்ளதால் ‘கங்குவா’ வெளியீடு தேதி தள்ளிப்போவதாக அறிவிக்கப்பட்டது.. இந்த நிலையில் கங்குவா படத்தின் புதிய வெளியீடு தேதியை படக்குழு அறிவித்துள்ளது. அதன்படி கங்குவா திரைப்படம் நவம்பர் 14-ம் தேதி வெளியாகும் என படக்குழு அறிவித்துள்ளது. இதனால் சூர்யா ரசிகர்கள் உற்சாகமடைந்துள்ளனர் .