“முரா” படத்தின் முன்னோட்டம் வெளியீடு

மலையாள திரையுலகில் முன்னணி நடிகர்களுள் ஒருவராவார் சுராஜ் வெஞ்சரமூடு. இவர் தற்பொழுது சீயான் விக்ரம் நடித்துள்ள வீர தீர சூரன் திரைப்படத்தில் நடித்துள்ளார்.இதுவே இவர் நடிக்கும் முதல் தமிழ் திரைப்படமாகும். இந்நிலையில் அடுத்ததாக சுராஜ் வெஞ்சரமூடு நடிப்பில் மலையாள இயக்குனரான முகமத் முஸ்தஃபா இயக்கத்தில் `முரா’ மலையாள திரைப்படம் உருவாகியுள்ளது. இப்படம் ஒரு கேங்ஸ்டர் டிராமா கதைக்களத்தில் உருவாகியுள்ளது. இப்படத்தில் ஹ்ரிது ஹரூன் , மாலா பார்வதி, கனி கஸ்தூரி, கண்ணன் நாயர், ஜோபின் தாஸ் மற்றும் பலர் நடித்துள்ளனர். இப்படத்தை ரியா ஷிபுவின் எச்ஆர் பிக்சர்ஸ் தயாரித்துள்ளது. அண்மையில் படத்தின் முன்னோட்டம் வெளிவந்து மக்களின் கவனத்தை பெற்றது. தற்பொழுது படத்தின் முன்னோட்டம் வெளியாகியுள்ளது. படத்தின் டிரைலரை நடிகர் விஜய் சேதுபதி மற்றும் எஸ்.ஜே சூர்யா அவர்களது எக்ஸ் தளத்தில் வெளியிட்டனர். ஒரு பெரிய ரவுடிக்காக வேலை செய்யும் 5 இளைஞர்களின் கதையாக முன்னோட்ட காட்சிகள் அமைந்துள்ளது. திரைப்படம் வரும் நவம்பர் 8 ஆம் தேதி திரையரங்கில் வெளியாகவுள்ளது. இப்படத்தின் இயக்குனரான முஸ்தஃபா இதற்கு முன் அன்னா பென் நடிப்பில் வெளியான தேசிய விருதைப்பெற்ற கப்பேலா திரைப்படத்தை இயக்கியவராவார்.