அமெரிக்க அதிபா் தோ்தல் வரும் 5-ம் தேதி நடைபெற உள்ளது. அங்கு ஆளும் ஜனநாயக கட்சி சார்பில் துணை அதிபர் கமலா ஹாரிஸ் அதிபர் வேட்பாளராக போட்டியிடுகிறார். அதேபோல் அதிபா் தோ்தலில் குடியரசுக் கட்சி சாா்பில் முன்னாள் அதிபா் டொனால்டு டிரம்ப் போட்டியிடுகிறார். இந்த தேர்தலில் வேட்பாளா் கமலா ஹாரிசுக்கும், டிரம்புக்கும் இடையே கடும் போட்டி நிலவுகிறது. இருவருமே தீவிர பிரசாரத்தில்ஈடுபட்டு வருகிறார்கள். இருவரும் மாறி மாறி பரஸ்பரம் குற்றச்சாட்டுகளை தெரிவித்து வருகிறார்கள். அமெரிக்க அதிபர் தேர்தல் நெருங்கியுள்ள நிலையில் அவெஞ்சர்ஸ் படத்தில் நடித்த ராபர்ட் டவுனி ஜூனியர், மார்க் ருபாலோ, ஸ்கேர்லெட் உள்ளிட்ட பிரபல ஹாலிவுட் நட்சத்திரங்கள் கமலா ஹாரிஸுக்கு ஆதரவு தெரிவித்துள்ளனர். இந்த நிலையில் உலகளவில் பாக்ஸ் ஆபிஸ் வசூலில் சாதனை படைத்த பிரபல ஹாலிவுட் திரைப்படமான அவெஞ்சர்ஸ் திரைப்பட நடிகர்கள் கமலா ஹாரிஸை ஆதரித்து காணொளி வெளியிட்டுள்ளனர்.
அவெஞ்சர்ஸ் பட நடிகர்களான ராபர்ட் டௌனி ஜூனியர் (அயர்ன் மேன்), கிறிஸ் எவன்ஸ் (கேப்டன் அமெரிக்கா), ஸ்கார்லெட் ஜோஹான்சன் (நட்டஷா), மார்க் ரபல்லோ (ஹல்க்), பால் பெட்டானி (விஷன்), டானாய் குரிரா (ஓகோயே), மற்றும் டான் சீடில் (வார் மெஷின்) ஆகியோர் அமெரிக்க அதிபர் தேர்தலில் ஜனநாயக கட்சி வேட்பாளர் கமலா ஹாரிஸுக்கு ஆதரவு தெரிவித்தும், பொதுமக்கள் அவருக்கு வாக்களிக்க வேண்டுமென்றும் கோரிக்கை விடுத்துள்ளனர்.
