கிராமிய வறுமையை ஒழிப்பதில் அரசாங்கத்தின் முதன்மை கவனம் செலுத்தப்படும் என ஜனாதிபதி அநுரகுமார திஸாநாயக்க தெரிவித்துள்ளார்.
மாத்தறையில் இடம்பெற்ற மக்கள் பேரணியில் உரையாற்றிய ஜனாதிபதி, அமைச்சர்கள் கொழும்பில் இருந்து செயற்படுவதை விட உள்ளூர் சமூகங்களுக்குள்ளேயே உள்வாங்கப்பட வேண்டியதன் அவசியத்தை எடுத்துரைத்தார்.
எதிர்வரும் பாராளுமன்றத்தில் அமைச்சர்களுக்கு கொழும்பில் வீடுகள் வழங்கப்பட மாட்டாது என ஜனாதிபதி திஸாநாயக்க மேலும் தெரிவித்துள்ளார்.
“எங்களுக்கு மக்களுடன் நேரடியாக இணைக்கும் அரசாங்கம் தேவை,” என்று கூறிய ஜனாதிபதி, தலைவர்கள் தொலைதூரத்தில் இருப்பதை விட உள்ளூர் பிரச்சினைகளை தீர்க்க தங்கள் மாவட்டங்களில் பணியாற்ற வேண்டும் என்று வலியுறுத்தினார்.
“இந்த அரசாங்கம் தனது பணிகளைச் செய்வதற்கு கிராமங்களைச் சென்றடைய வேண்டும், மேலும் கிராமப்புறங்களில் வறுமையை அகற்றுவதே எமக்கு முன்னால் உள்ள மிக முக்கியமான பணியாகும்” என்று ஜனாதிபதி திஸாநாயக்க மேலும் கூறினார்.
