புஷ்பா 2 முன்னோட்டம் வலைத்தளத்தில் 120 மில்லியன் பார்வைகளை கடந்து சாதனை

சுகுமார் இயக்கத்தில் புஷ்பா படத்தின் இரண்டாவது பாகம் புஷ்பா 2 தி ரூல் என்ற பெயரில் உருவாகியுள்ளது. படத்தில் அல்லு அர்ஜுன் உடன் ராஷ்மிகா மந்தனா, பகத் பாசில் உள்பட பலர் நடித்துள்ளனர். படத்திற்கு தேவி ஸ்ரீ பிரசாத் இசையமைத்துள்ளார். படத்தின் சில பாடல்கள் வெளியாகி மக்களிடையே நல்ல வரவேற்பை பெற்றது. புஷ்பா 2 திரைப்படம் வரும் டிசம்பர் 5 ஆம் தேதி வெளியாகவுள்ளது. இப்படத்தின் முன்னோட்ட வெளியீட்டு விழா பாட்னாவில் மிக பிரம்மாண்டமாக நடைப்பெற்றது. இதனையடுத்து வெளியான இப்படத்தின் முன்னோட்டம் மக்களிடையே பெரும் வரவேற்பை பெற்றுள்ளது. இந்நிலையில், வலைத்தளத்தில் புஷ்பா-2 முன்னோட்டம் 120 மில்லியன் பார்வைகளை கடந்து சாதனை படைத்துள்ளது. புஷ்பா-2 முன்னோட்டம் இந்தியில் 64 மில்லியன் பார்வைகளையும் தெலுங்கில் 54 மில்லியன் பார்வைகளையும் தமிழில் 6.4 மில்லியன் பார்வைகளையும் கடந்துள்ளது. புஷ்பா-2 முன்னோட்டம் வெளியான 24 மணிநேரத்தில் 102 மில்லியன் பார்வைகளை கடந்து இந்தியாவில் 24 மணிநேரத்தில் அதிக பார்வைகளை பெற்ற 3 ஆவது படம் என்ற பெருமையை பெற்றுள்ளது.