HomeLife Future Realty Inc’ வீடு விற்பனை முகவர் நிறுவனத்தின் அதிபர் செல்வா வெற்றிவேல் நடத்திய விற்பனைச் சாதனையாளர் விருது வழங்கும் விழா
கனடாவில் தமிழர் நிர்வாகத்தில் இயங்கிவரும் வீடு விற்பனை முகவர் நிறுவனங்களில் முக்கியமானதொன்றாகக் கருதப்படும் HomeLife Future Realty Inc’ வீடு விற்பனை முகவர் நிறுவனத்தின் அதிபர் செல்வா வெற்றிவேல் அவர்கள் நடத்திய விற்பனைச் சாதனையாளர் விருது வழங்கும் விழா கடந்த 15-12-2024 ஞாயிற்றுக்கிழமையன்று மாலை ஸ்காபுறோ பிரைடரன் கொன்வென்சன் மண்டபத்தில் சிறப்பாக நடைபெற்றது.
சிறப்பு விருந்தினராக பாராளுமன்ற உறுப்பினரும் மத்திய அமைச்சருமான ஹரி ஆனந்தசங்கரி அவர்கள் கலந்து கொண்டார். நூற்றுக்கணக்கான வீடு விற்பனை முகவர்களும் ஏனைய துறைசார்ந்தவர்களும் அங்கு கலந்து கொண்டு விழாவிற்கு மெருகூட்டினார்கள்.
விற்பனை விருதுகள் வழங்கும் விழாவில் அதி உயர் விற்பனை விருதினை வழமை போல திரு அமலன்- திருமதி அபி அமலன் தம்பதி பெற்றுக்கொண்டனர்.
இதைப் போன்று அடுத்த தரத்திற்கு ஏற்ப விற்பனை விருதுகள் பலருக்கு வழங்கப்பெற்றன.
அழைக்கப்பெற்ற விருந்தினர்கள் மற்றும் பத்திரிகையாளர்கள் ஆகியோரையும் திரு செல்வா வெற்றிவேல் தனது குடும்பத்தினருடன் இணைந்து வரவேற்று உபசரித்தார்.
அழகிய முறையில் ஏற்பாடு செய்யப்பெற்றிருந்த இந்த விற்பனை விருதுகள் வழங்கும் விழாவை சிறப்பானதாக்க பலரும் உழைத்த அதேவேளை அனைத்து வீடு விற்பனை முகவர்களும் மிகவும் உற்சாகமாகக் காணப்பட்டார்கள்.
PHOTO CREDIT TO MR. RAVI ATCHUTHAN..
Arjune- Local Journalism Initiative Reporter
