விஜய் நடிக்கும் ‘ஜனநாயகன்’ படத்தின் பதாகை வெளியீடு

எச்.வினோத் இயக்கத்தில் நடிகர் விஜய் நடிக்கும் படத்திற்கு ‘ஜன நாயகன்’ என பெயர் வைக்கப்பட்டுள்ளது. இப்படத்தில் பாபி தியோல், பூஜா ஹெக்டே, மமிதா பைஜூ, கவுதம் வாசுதேவ் மேனன், பிரகாஷ் ராஜ், வரலட்சுமி, டிஜே அருணாசலம் உள்ளிட்ட பலர் முக்கிய கதாபாத்திரங்களில் நடிக்கின்றனர். இந்தப் படம் விஜய் நடிக்கும் கடைசி படமாகும். இந்த படத்தை கே.வி.என் புரொடக்சன்ஸ் நிறுவனம் தயாரிக்கின்றனர். அனிருத் இப்படத்திற்கு இசையமைக்கிறார். இதன் படப்பிடிப்பு விறுவிறுப்பாக பல கட்டமாக சென்னையில் அமைக்கப்பட்ட அரங்கில் நடைபெற்று வருகிறது. இந்த நிலையில் குடியரசு தினத்தை முன்னிட்டு இப்படத்தின் முதல்காட்சி பதாகையை படக்குழு வெளியிட்டுள்ளது. இந்நிலையில் ‘ஜன நாயகன்’ படத்தின் 2வது காட்சியை படக்குழு வெளியிட்டுள்ளது. இதில் ‘நான் ஆணையிட்டால்..’ என்கிற வாசகம் இடம்பெற்றுள்ளது. அனிருத் இசையமைக்கும் இந்தப் படம் அடுத்தாண்டு பொங்கலுக்கு வெளியாகும் என்று எதிர்பார்க்கப்படுகிறது.