ஆதிக் ரவிச்சந்திரன் இயக்கத்தில் நடிகர் அஜித் குமார் நடித்துள்ள திரைப்படம் ‘குட் பேட் அக்லி’. இந்தப் படத்தில் அஜித் மூன்று கதாபாத்திரத்தில் நடித்துள்ளார். இந்த படத்தில் அஜித்துடன் இணைந்து திரிஷா, பிரசன்னா, சுனில், அர்ஜுன் தாஸ், பிரபு உள்ளிட்ட பலரும் முக்கிய கதாபாத்திரங்களில் நடித்துள்ளனர். மைத்ரி மூவி மேக்கர்ஸ் நிறுவனம் தயாரித்துள்ள இந்தப் படத்திற்கு தேவி ஸ்ரீ பிரசாத் இசையமைத்துள்ளார். ஜி.வி. பிரகாஷ் பின்னணி இசையை மேற்கொள்கிறார். இந்தப் படத்தின் முதல்காட்சி மற்றும் இரண்டாவது காட்சி பதாகைகள் ஏற்கனவே வெளியிடப்பட்டன. ‘குட் பேட் அக்லி’ திரைப்படம் வரும் ஏப்ரல் மாதம் 10 ஆம் தேதி வெளியாகவுள்ளது. இந்நிலையில் படத்தில் கதாநாயகியாக நடித்து இருக்கும் திரிஷாவின் அறிமுக கிளிம்ப்ஸ் காணொளியை படக்குழு வெளியிட்டது.
படத்தின் முன்னோட்டம் இன்று மாலை 7.03 மணிக்கு படக்குழு வெளியிடவுள்ளதாக படக்குழு பதாகை வெளியிட்டு அறிவித்துள்ளனர். 1 நிமிடம் 34 வினாடிகள் இந்த முன்னோட்டத்தின் நீளம் அமைந்துள்ளது. இந்த முன்னோட்டத்திற்காக ரசிகர்கள் மிகவும் எதிர்ப்பார்ப்புடன் காத்துக் கொண்டு இருக்கின்றனர்.
