நடிகர் விவேக் பிரசன்னா குணச்சித்திர கதாப்பாத்திரங்களில் நடித்து மக்களுக்கு பரீட்சயமானார். இவர் நடித்த சேதுபதி, இறைவி, மாநகரம் போன்ற திரைப்படங்கள் வெற்றியடைந்தது.
மேயாத மான் திரைப்படத்தின் மூலம் பலரின் பாராட்டுகளை பெற்றார் விவேக் பிரசன்னா இவர் கடந்த ஆண்டு இங்க நான் தான் கிங்கு, தோனிமா, லால் சலாம், ஹிட்லர், பேட்ட ராப், பிளாக், ஆலன், ஃபேமிலி படம் ஆகிய திரைப்படங்களில் நடித்து இருந்தார். இந்நிலையில் அடுத்ததாக டர்ம் புரொடக்ஷன் ஹவுஸ் பேனரில் எஸ் உமா மகேஸ்வரி தயாரிப்பில் தம்பிதுரை மாரியப்பன் இயக்கத்தில் விவேக் பிரசன்னா ட்ராமா என்ற திரைப்படத்தில் நடித்துள்ளார். இப்படத்தை தம்பிதுரை மாரியப்பன் இயக்கியுள்ளார். படத்தின் இசையை ராஜ் பிரதாப் மேற்கொள்ள இவருடன் பூர்ணிமா ரவி, ஆனந்த் நாக், சாந்தினி தமிழரசன் இணைந்து நடித்துள்ளனர். இப்படம் ஒரு மெடிக்கல் கிரைம் திரில்லாராக உருவாகியுள்ளது. படத்தின் முதல்காட்சி பதாகை சில மாதங்களுக்கு முன் வெளியானது தற்பொழுது படத்தின் முன்னோட்டத்தை படக்குழு வெளியிட்டுள்ளது. திரைப்படம் வரும் மார்ச் 21 ஆம் தேதி வெளியாகவுள்ளது.
