நீண்ட இடைவேளைக்குப் பிறகு இயக்குனர் சுந்தர் சி மற்றும் நகைச்சுவை நடிகர் வடிவேலு கேங்கர்ஸ் என்ற திரைப்படத்தின் மூலம் இணைந்துள்ளனர். 15 வருடங்களுக்குப் பிறகு இணையும் சுந்தர் சி மற்றும் வடிவேலு நகைச்சுவை கூட்டணி ரசிகர்கள் ரசிக்கும் வகையில் இருக்கும் என்றும் கைப்புள்ள, வீரபாகு மாதிரி சிங்காரம் என்ற கேரக்டரில் கேங்கர்ஸ் படத்தில் வடிவேலு நடித்துள்ளார்.
இந்நிலையில் கேங்கர்ஸ் திரைப்படம் ஏப்ரல் 24ம் தேதி வெளியாக இருக்கிறது. படத்தின் முன்னோட்டத்தை படக்குழு சமீபத்தில் வெளியிட்டு மக்களிடையே நல்ல வரவேற்பை பெற்றது. வடிவேலு இப்படத்தில் பல தோற்றங்களில் நடித்துள்ளார். படத்தின் முதல் பாடலான குப்பன் பாடலின் காணொளியை படக்குழு வெளியிட்டது. குப்பன் பாடல் வெளியாகி ரசிகர்கள் மத்தியில் நல்ல வரவேற்பை பெற்று வருகிறது. தற்பொழுது படத்தின் செகண்ட் சிங்கிளின் அறிவிப்பை படக்குழு வெளியிட்டுள்ளது. செகண்ட் சிங்கிளான `என்வன் மதியே’ பாடலை படக்குழு இன்று மாலை 6 மணிக்கு வெளியிட இருக்கிறது. இப்பாடலை லவரதன் வரிகளில் மது ஸ்ரீ மற்றும் அஷ்வத் அஜித் இணைந்து பாடியுள்ளனர். இந்நிலையில் படத்திற்கு தணிக்கை குழு யு/ஏ சான்றிதழை வழங்கியுள்ளது.
