நடிகர் கார்த்தி மற்றும் இயக்குநர் பி.எஸ். மித்ரன் கூட்டணியில் வெளியாகி பெரும் வெற்றி பெற்ற திரைப்படம் ‘சர்தார்.’ இதை தொடர்ந்து சர்தார் 2 பாகம் உருவாகி வருகிறது. சர்தார் 2 படத்தில் நடிகர் எஸ்.ஜே. சூர்யா, மாளவிகா மோகனன், ஆஷிகா ரங்கநாத், ரஜிஷா விஜயன் ஆகியோர் முக்கிய கதாபாத்திரத்தில் நடித்துள்ளனர். படத்திற்கு சாம் சி.எஸ் இசையமைத்துள்ளார்.
சர்தார் 2 படத்தின் படப்பிடிப்பு நிறைவுபெற்ற நிலையில், படத்திற்கான பின்னணி வேலைகள் நடைபெற்று வருகின்றன. இப்படத்தின் முதல்காட்சி மற்றும் முன்னோட்டத்தை படக்குழு சமீபத்தில் வெளியிட்டது. எஸ்.ஜே சூர்யா பிளாக் டாகர் என்ற கதாப்பாத்திரத்தில் நடித்துள்ளார். இன்று பிறந்தநாள் கொண்டாடும் கார்த்தி-க்கு வாழ்த்து தெரிவித்து சர்தார் 2 படக்குழு புது பதாகை வெளியிட்டுள்ளனர்.
