ஜப்பானில் உள்ள நரிட்டா நகருக்கு டில்லியில் இருந்து ஏர் இந்தியா விமானம் இயக்கப்பட்டு வருகிறது. இந்த நிலையில், டோக்கியோ வானிலை ஆய்வு மையம் வெளியிட்டுள்ள எச்சரிக்கையை தொடர்ந்து டில்லி-நரிட்டா விமான சேவை ரத்து செய்யப்படுவதாக ஏர் இந்தியா நிறுவனம் அறிவித்துள்ளது. இது குறித்து அந்நிறுவனம் ‘எக்ஸ்’ தளத்தில் வெளியிட்டுள்ள பதிவில், “மோசமான வானிலை எச்சரிக்கை காரணமாக டில்லி-நரிட்டா-டில்லி வழித்தடத்தில் ஏ.ஐ. 306 மற்றும் ஏ.ஐ. 307 ஆகிய விமானங்கள் ரத்து செய்யப்படுகின்றன. ஆகஸ்ட் 16-ந்தேதி டில்லி-நரிட்டா வழித்தட விமானங்களில் முன்பதிவு செய்த பயணிகள் மறுபயணம் மேற்கொள்வதற்கான டிக்கெட் கட்டணத்தில் சலுகை வழங்கப்படும். மேலும் விமான சேவை ரத்து செய்யப்பட்டதற்கான முழு பணம் திரும்பி வழங்கப்படும்” என்று தெரிவிக்கப்பட்டுள்ளது.
![மோசமான வானிலையால் ஜப்பான் செல்லும் ஏர் இந்தியா விமானம் ரத்து](https://uthayannews.ca/wp-content/uploads/2024/08/Bad-weather-japan-air-india-flight-canceled.jpg)