விக்ரம் நடிக்கும் ‘வீர தீர சூரன்’ படத்தின் வெளியீடு தேதி அறிவிப்பு

சித்தா’ பட இயக்குனர் அருண் குமார் இயக்கத்தில் விக்ரம் அவரது 62-வது படமாக ‘வீர தீர சூரன்’ படத்தில் நடித்துள்ளார். இரு பாகங்களாக உருவாகும் இப்படத்தின் 2-ம் பாகத்தை முதலில் வெளியிட உள்ளனர். இப்படத்தில் எஸ்.ஜே.சூர்யா, சுராஜ் வெஞ்சராமுடு, சித்திக், துஷரா விஜயன் உள்ளிட்டோர் முக்கிய கதாபாத்திரத்தில் நடித்துள்ளனர். ரியா ஷிபு தயாரித்துள்ள இப்படத்திற்கு ஜி.வி.பிரகாஷ் இசையமைத்துள்ளார். மதுரையை கதைக்களமாக கொண்டு உருவாக்கப்பட்டுள்ள இப்படத்தின் முதல்காட்சி தலைப்பு காணொளி ரசிகர்களிடம் வரவேற்பை பெற்றது. படத்தின் முன்னோட்டம் கடந்த மாதம் வெளியாகி மக்களிடையே நல்ல வரவேற்பை பெற்றது. விவேக் வரிகளில் ஹரிசரண் மற்றும் ஷ்வேதா மோகன் இணைந்து பாடிய படத்தின் முதல் பாடலான கல்லூரும் பாடலின் வரி காணொளி சமீபத்தில் வெளியாகி வரவேற்பை பெற்றது. இந்நிலையில், ‘வீர தீர சூரன்’ படம் மார்ச் 27 ஆம் தேதி வெளியாகும் என அதிகாரபூர்வமாக அறிவிக்கப்ட்டுள்ளது. இது குறித்த அறிவிப்பை வெளியிட்ட நடிகர் விக்ரம், “டெட்லியான காளியை மார்ச் 27 முதல் சந்திக்க தயாராக இருங்கள். இது ஒரு எபிக் ஆக்ஷன் த்ரில்லராக இருக்கும்” என்று குறிப்பிட்டுள்ளார்.