அஜித் நடிக்கும் ‘குட் பேட் அக்லி’ படத்தின் முன்னோட்ட வெளியீட்டு தேதி அறிவிப்பு

ஆதிக் ரவிச்சந்திரன் இயக்கத்தில் நடிகர் அஜித் குமார் நடித்துள்ள திரைப்படம் ‘குட் பேட் அக்லி’. இந்தப் படத்தில் அஜித் மூன்று கதாபாத்திரத்தில் நடித்துள்ளார். இந்த படத்தில் அஜித்துடன் இணைந்து திரிஷா, பிரசன்னா, சுனில், அர்ஜுன் தாஸ், பிரபு உள்ளிட்ட பலரும் முக்கிய கதாபாத்திரங்களில் நடித்துள்ளனர். மைத்ரி மூவி மேக்கர்ஸ் நிறுவனம் தயாரித்துள்ள இந்தப் படத்திற்கு தேவி ஸ்ரீ பிரசாத் இசையமைத்துள்ளார். ஜி.வி. பிரகாஷ் பின்னணி இசையை மேற்கொள்கிறார். இந்தப் படத்தின் முதல்காட்சி மற்றும் இரண்டாவது காட்சி பதாகைகள் ஏற்கனவே வெளியிடப்பட்டன. ‘குட் பேட் அக்லி’ திரைப்படம் வரும் ஏப்ரல் மாதம் 10 ஆம் தேதி வெளியாகவுள்ளது. இந்நிலையில், இப்படத்தின் முன்னோட்டம் வரும் 28ம் தேதி வெளியாகும் என படக்குழு காணொளி வெளியிட்டு அறிவித்துள்ளது.