‘கண்ணப்பா’ படத்தின் முன்னோட்டம் வெளியானது

முகேஷ் குமார் சிங் இயக்கத்தில் ‘கண்ணப்பா’ எனும் தெலுங்கு படம் உருவாகியுள்ளது. ஃபேண்டசி டிராமாவாக இப்படத்தின் கதைக்களம் அமைக்கப்பட்டுள்ளது. நடிகர் விஷ்ணு மஞ்சு இப்படத்தில் கண்ணப்பர் கதாப்பாத்திரத்தில் நடித்துள்ளார். இந்து கடவுளான சிவனை வழிப்படும் தீவிர பக்தனான கண்ணபரை பற்றிய கதையாகும் இது. இப்படத்தில் இந்திய திரையுலகில் உள்ள பிரபல நட்சத்திரங்களான மது , சரத்குமார், ப்ரீத்தி முகுந்தன், ராகுல் ராமகிருஷ்ணா, பிரம்மானந்தம், மோகன் பாபு, மற்றும் பலர் நடித்துள்ளனர். இவர்களோடு மேலும், மோகன்லால், பிரபாஸ், அக்ஷய் குமார் மற்றும் காஜல் அகர்வால் கௌரவ தோற்றத்தில் நடித்துள்ளனர். திரைப்படம் வரும் ஜூன் மாதம் 27 ஆம் தேதி தமிழ், தெலுங்கு, இந்தி, ஆங்கிலம், கன்னடம் ஆகிய மொழிகளில் ஒரு பான் இந்தியா திரைப்படமாக வெளியாகவுள்ளது. படத்தின் முன்னோட்டத்தை படக்குழு வெளியிட்டுள்ளது. மிகவும் பிரம்மாண்டமாக காட்சிகள் அமைக்கப்பட்டுள்ளது. முன்னோட்ட காட்சிகளில் அக்ஷய் குமார், பிரபாஸ், மோகன்லால் , காஜல் காட்சிகள் வருவது கூடுதல் சிறப்பாக அமைந்துள்ளது.