தனிமை (நிலைமண்டில ஆசிரியப்பா)

தனிமையின் தவிப்பு தள்ளாடும் வயதில்
இனியவள் இழப்பு இயலாக் காலத்தில்
கனிவான அழைப்புக் கனவாய்ப் போனபின்
இனியெது பிழைப்பு .இரவாய் ஆனபின்
ஆறுசுவை உணவு அவளுடன் போச்சு
ஆறுதல் வார்த்தை இறுதி ஆச்சு
தேறுதல் இன்றி திகைத்து நிற்கிறேன்
மாறுமா ;வாழ்க்கை மரணம் வருமுன்?
வறுமைக் காலம் வலமாய் இருந்தாள்
சிறுமை வந்திடத் திடமாய் நின்றாள்
இறுதிவரை என்னுடன் இருப்பேன் என்றாள்
அறுதியாய் அமலனிடம் அவசரமாய்ச்; சென்றதேன்?
பெற்ற பிள்ளை ;பிரியம் காட்டலை
உற்ற துணையின்றி உறக்கம் வரவில்லை
சுற்றம் என்போர் சொத்தைக் கேட்டனர்
அற்ற குளத்து அறுநீர்ப் மீனானேன்
இல்லாள் அகத்திருக்க இல்லா தொன்றில்லை
எல்லாம் போனது எழிலரசி போனபின்
சல்லியன் இல்லாச் சகடம் போலானேன்
சல்லிபோல் நொருங்கி; தனித்து நின்றேனே!.

ஆக்கம்

பாவலர் மார்க்கம் சந்திரன்.
416 844 7453
Chandranvela07@gmail.com

குறிப்பு : 2020ம் ஆண்டு விலா கருணா நடத்திய கவிதைப் போட்டியில் இரண்டாம் பரிசைப் பெற்றுக்கொண்ட கவிதை.