தயாரிப்பாளர் ரஜீவ் சுப்பிரமணியம் சென்னையில் தங்கியிருந்து இயக்குனர் மற்றும் கலைஞர்களுக்கு உற்சாகமூட்டி வருகின்றார்
கனடாவில் கலை மற்றும் இசை சார்ந்த முயற்சிகளுக்கு நல்லாதரவு வழங்கி வரும் ரஜீவ் சுப்பிரமணியம் அவர்களின் ‘ஆரபி’ புரடக்சன் தயாரிப்பில் வெளிவரவுள்ள ‘ ‘ Finder ‘ ‘ திரைப்படத்திற்கான இறுதிக் கட்ட பணிகள் சென்னையில் துரிதமாக நடைபெறுகின்றன எமது சென்னைச் செய்தியாளர் அருண் அறிவித்துள்ளார்.இதே வேளை ‘ Finder ‘ தயாரிப்பாளர் ரஜீவ் சுப்பிரமணியம் அவர்கள் கனடாவிலிருந்து சென்று சென்னையில் தங்கியிருந்து இயக்குனர் மற்றும் கலைஞர்களுக்கு உற்சாகமூட்டி வருவதோடு விரைவில் ‘ Finder ‘ திரைப்படம் வெளியாகும் வகையில் விநியோகஸ்த்தர்களோடு பேச்சுவார்த்தைகளிலும் ஈடுபட்டு வருகின்றார். இவருக்கு உதவியாக ‘ Finder ‘ திரைப்படத்தின் இயக்குனர் வினோத் ராஜேந்திரனும் கடுமையாக உழைத்து வருகின்றார் என்பதும் குறிப்பிடத்தக்கது.
இது இவ்வாறிருக்க. ‘ Finder ‘ திரைப்படத்திற்கான ‘டப்பிங்’ பணிகள் தற்போது தீவிரமாக நடைபெற்று வருகின்றன. அத்துடன் கவிப்பேரரசு எழுதியுள்ள 3 பாடகளுக்கான இசையமைப்புப் பணிகளும் சமாந்தரமாக இடம்பெற்றுவருவது இங்கு குறிப்பிடத்தக்கது.
சென்னையிலிருந்து செய்தியாளர் அருண்
