(மன்னார் நிருபர்)
(27-11-2021)
இந்து சமய கலாசார அலுவல்கள் திணைக்களத்தின் அனுசரணையுடன் மன்னார் மாவட்டச் செயலகத்தின் ஏற்பாட்டில்,சிவனருள் இல்லம் நடாத்திய ஆறுமுக நாவலர் குரு பூஜை நிகழ்வு இன்று சனிக்கிழமை (27) காலை 10.30 மணியளவில் மன்னார் திருக்கேதீஸ்வரம் சிவனருள் இல்லத்தில் இடம்பெற்றது.
-சிவனருள் இல்லத்தின் பணிப்பாளர் எஸ்.செல்வரஞ்சன் தலைமையில் இடம்பெற்ற குறித்த நிகழ்வில் பிரதம விருந்தினராக மன்னார் மாவட்ட அரசாங்க அதிபர் திருமதி ஏ.ஸ்ரான்லி டி மெல் கலந்து கொண்டார்.
-இதன் போது நந்திக் கொடி ஏற்றப்பட்டு ஆறுமுக நாவலர் குருபூஜை நிகழ்வு ஆரம்பிக்கப்பட்டதோடு ஆறுமுகநாவலருக்கு விசேட பூஜை இடம்பெற்றது.
இதனைத் தொடர்ந்து பல்வேறு நிகழ்வுகள் இடம் பெற்றதோடு,பரிசளிப்பு நிகழ்வும் இடம்பெற்றது.
-குறித்த நிகழ்வில் மன்னார் மாவட்டச் செயலக இந்து கலாசார அபிவிருத்தி உத்தியோகத்தர் செல்வி ஆ.ஜீவிதா,திருக்கேதீஸ்வர ஆலய பிரதம குரு சிவசிறி கருணானந்தக் குருக்கள் உட்பட மாணவர்கள் மற்றும் பெற்றோர் ஆகியோர் கலந்து கொண்டமையும் குறிப்பிடத்தக்கது.
